1. პროექტის სახელი: “ხაჭაპური”




2. პროექტის მოკლე აღწერა 1-2 წინადადებით: პროექტის მონაწილეები იკვლევენ ხაჭაპურის წარმოშობის ისტორიას,მისი მომზადების, დაჭრის, მირთმევის თავისებურებებს.ადგენენ ხაჭაპურის რეცეპტების წიგნს, განათავსებენ მოძიებულ ინფორმაციას ინტერნეტში.
3. პროექტის სრული აღწერა: მოსწავლეები შეისწავლიან ყოველმხრივ ქართული სამზარეულოს ერთ-ერთ ცნობილ კერძს ხაჭაპურს. გამოიკვლევენ ხაჭაპურის წარმოშობის ისტორიას, გაარკვევენ თუ რატო ხაჭაპური და არა სხვა სახელი. გაიგებენ საქართველოს, რომელ კუთხეებში ცხვება ხაჭაპური და რა ტრადიციები ახლავს მის დამზადებას. კვლევას ჩაატარებენ თავიანთ კუთხეში (სოფელში ) და ა.შ. შეისწავლიან როგორ მიირთმევდნენ ხაჭაპურს საქართველოს სხვა და სხვა კუთხეში განსხვავებულ ეპოქებში.მათემატიკურად გამოიკვლევენ ხაჭაპურის ზომას , გეომეტრიულად კი მოყვანილობას, დაჭრის წესებს, დაჭრილი ნაჭრების კუთხეების გაზომვას. შეადგენენ ნახაზებს შესაბამისი გაანგარიშებით, დახატავენ სხვადასხვა სახის ხაჭაპურებს. შეეჯიბრებიან ცოდნაში და დიასახლისობაში. შეფასდება არა მხოლოდ ნამზადი - მზა ხაჭაპური, არამედ მომზადების პროცესი. რამდენად იქნება დაცული ჰიგიენა და ტექნოლოგია,რამდენად ორიგინალურად იქნება გადმოცემული თეორიული ცოდნა. შექმნიან ხაჭაპურების რეცეპტების ელექტრონულ წიგნს. განათავსებენ მოძიებულ ინფორმაციას ინტერნეტში.შეგროვებული ფოტომასალა განთავსდება საიტზე http://www.flickr.com/. ასევე საიტებზე http://www.panoramio.com/ და http://www.wikimapia.org/ განათავსებენ სურათებს საქართველოს იმ კუთხეების გამოსახულებით, რომელშიც ცხვება კონკრეტული სახეობის ხაჭაპური.
4. მონაწილეთა ასაკი: 6-19 წელი
5. ვადები/ხანგრძლივობა: 25.10.2009 წელი- 25.05.2010 წელი
6. პროექტის შესაძლო აქტივობები კლასში: კვლევა, დისკუსიების გამართვა მოძიებულ მასალებზე, ნამუშევრების განთავსება ბლოგში , რეცეპტების წიგნის ელ.ვერსიის და პლაკატების და ნახაზების შექმნა.
7. მოსალოდნელი შედეგები/პროდუქტები რაც შეიძლება შეიქმნას: ხაჭაპურის რეცეპტების ელექტრონული ვერსია, გამოცხვება სხვადასხვა სახის ხაჭაპური, ბავშვები გაიღრმავებენ კულინარულ ცოდნას და უნარებს. გაიღრმავებენ კომპიუტერთან მუშაობას, შეისწავლიან ვებ-2.0 ის სერვისებს. შედგება საინტერესო- შემეცნებითი პრეზენტაციები.
8. სარგებელი სხვებისთვის: რეცეპტების წიგნის ელექტრონული ვერსია, რომელსაც
შექმნიან პროექტში მონაწილე მოსწავლეები.
9. სამუშაო ენა: ქართული, რუსული .
10. საგნებთან/საგნობრივ ჯგუფებთან/ეროვნულ სასწავლო გეგმასთან კავშირი: ამ პროექტის განხორციელებით მოსწავლეები გაიუმჯობესებენ უნარებს მრავალ საგანში - ისტორიაში (შეისწავლიან საქართველოს კუთხეებს),გეოგრაფიაში (შეისწავლიან სხვა და სხვა კუთხეების გეოგრაფიულ ადგილმდებარეობას).მათემატიკაში ( გაიღრმავებენ ცოდნას ალგებრასა და გეომეტრიაში) , ბიოლოგიაში , ქიმიაში. საინფორმაციო ტექნოლოგიების გამოყენებაში (ინტერნეტში ხაჭაპურზე მასალების მოძიებით,დამუშავებით, პრეზენტაციების მომზადებით, ვებ-გალერეაში სურათების ატვირთვით) და სხვა